الأحد، 7 أغسطس 2011

انت نايم ولا صاحى

انت نايم ولا صاحى      انت مليان ولا فاضى
انت ثاير ولا فاسد         قلت ثاير طب قوم نجاهد
لو قلت ثاير هسألك        حديد وقرى ولا اراضى
لو كنت فاسد هنتصر      عليك وعمرى ماهنهزم
ده الحق عمره ما ينهزم    ولو اترفع عليه قواضى
فى السجن قوة منظمة        لا عايزه قاضى ولا محكمة
عايزه فتن وخراب دمار     وحياتنا تبقى مكلمة
مسيحى مسلم اهلى زمالك   المهم فتنه تجيب مهالك
ماتيلا قوموا اتحركوا          فى بلدكوا ابنوا وعمروا
دى بلدنا ام الدنيا وانتم اهلها   هتعمروها وترجعوها لمجدها

الاثنين، 20 يونيو 2011

معقولة فى كده ؟؟!!

معقولة فى كده ؟؟؟!!!
حقيقة يمكن اللى يعرفنى يستغرب جدا انى بتكلم فى موضوع زى ده .... أصلى منتقبه
مدركة تماما ان اما بتغيب الاخلاق والدين الأنسان ممكن يعمل اى حاجه غلط ويفكرها صح
فى الحياة عموما وبصراحة يعنى شايفه أن اكتر واحد ممكن يتحرش بالبنت الولد اللى بيحبها او اللى بتفتكره بيحبها ليه بقى ؟
لأنه بيعتبر ان من حقه يأنججها مثلا يمسك إيديها وتجاوزات يمكن اكتر من كده وفى نفس الوقت صعب ان هى تسمح بيها لآى حد تانى ( بصرف النظر عن ان فكرة الارتباط دى مرفوضة اخلاقيا ودينيا ) فتخيلوا كل ده وبعدين يسيبها ويلعب على غيرها شايفه ان ده اسوء وادنى اسلوب للتحرش لأنه بشكل غير مباشر وبقبول الطرفين اصل غالبا الطرف التانى اللى هو البنت يعنى مبيرفضهوش الا فى ذكرياته لانه بيكون حصل خلاص
أهم حاجه ان الخبر اللى نزل فى اليوم السابع عن فكره التدوين لنهارده اهم كومنتات لفتت نظرى عليه كتبها ولاد بيقولوا ايه بقى بيقولوا ده البنات اللى بيعكسونا خليهم يرحمونا شويه بقى اكيد منكرش ان فى بنات ربنا اللى اعلم بيها بس ده مش معناه ان البنات ككيان كده كلهم بقوا بيعاكسوا الولاد ده كلام غير مقبول بالمرة
بس يمكن الخوف الزايد من التحرش برضه مش صح يعنى اه اكيد مبقولش ان كل بنت مش المفروض تحافظ على نفسها بس لما الموضوع يتحول لفوبيا بيبقى صعب قوى برضه يعنى شفت مره وانا فى المينى باص وانا رايحه الجامعه (ايام الجامعه يعنى) واحده قاعده جنب واحد الحقيقه مخدتش بالى منهم فى الاول بس فجأة وبدون مقدمات "أنت ياسافل بتستغل انى نايمه عشان تحط ايدك على كوعى "
وهو ماسك فى ايده مواسير وبيقولها " لا دى البتاعه دى هى اللى خبطتك "هى طبعا نزلت شتيمه فى الراجل والحقيقه لحد اللحظه دى معرفش مين فيهم اللى كان على حق بس معقوله واحد هيجيب لنفسه الخناق ده كله عشان يحط ايده على كوع واحده بيتهيالى صعب
سمعت قبل كده برضه ان فى نوع من البنات برضه لو خرجت من بيتهم ورجعت تانى ومتعكستش تحس ان فى حاجه غلط معقوله فى كده؟؟؟؟